البواسير من المشكلات اللي نساء كتير بيعانوا منها، خصوصًا بعد الحمل والولادة.

التغيرات اللي بتحصل في الجسم والضغط على منطقة الحوض والإمساك اللي بيظهر في آخر الشهور، كل ده بيخلي البواسير تظهر وتسبب وجع وعدم راحة، وكمان إحراج.

المشكلة إن في نساء كتير بيفضلوا ساكتين ومكسوفين يشتكوا أو يروحوا للدكتورة، وده اللي بيخلي الموضوع يتأخر ويزيد، مع إن العلاج دلوقتي بقى أسهل وأبسط بكتير من زمان ومش مخيف زي ما هو في خيالهم.

أنا شحصيا شفت حالات كثيرة لنساء بيعانوا من البواسير بدرجات مختلفة سواء بعد الولادة أو قبلها، ومع التطور الكبير في طرق العلاج بقينا نقدّر نحل المشكلة بإجراءات بسيطة وسريعة، وأحيانًا من غير جراحة خالص، ولو احتجنا جراحة بتكون خفيفة وسهلة ونتائجها ممتازة. اللي بيهمني دايمًا إن المريضة تدخل وتخرج وهي حاسة براحة وخصوصية تامة ومن غير توتر ولا خجل. في عيادة الجراحة إحنا بنتعامل بهدوء ولطف ومع كل خطوة بنشرح كل التفاصيل علشان المريضة تبقى مطمّنة وواثقة.

ومن المواقف اللي عمرها ما بتتنسي كانت مع مريضة بعد ولادتها التانية تعبانة جدًا ومش قادرة تتحمل الوجع، وقالتلي إنها كانت خايفة تيجي أصلًا علشان متوقعة إن العلاج هيكون مؤلم وصعب. بعد الفحص اخترنالها إجراء بسيط يناسب حالتها، وخلال أيام قليلة بدأت تحس بفرق كبير، ورجعت بعدها تقول بابتسامة إنها كانت فاكرة الموضوع أصعب بكتير وتمنت لو إنها ما أخّرت الزيارة. التجارب دي بتأكد إن البواسير مشكلة ليها علاج ونتايج ممتازة ومش لازم أي امرأة تستحمل الوجع أو الإحراج. خطوة صغيرة بس ممكن تغيّر حياتها اليومية وتخفف عنها ألم كبير. لو بتحسي بوجع أو حرقان أو تورّم أو حتى نزيف بسيط ما تستنيش، الموضوع أبسط بكتير مما تتخيلي. وأنا هنا في جدة، وفي عيادتي هتلاقي خصوصية وراحة وتعامل محترم من أول زيارة لحد آخر خطوة في العلاج